又0黎飯局，真係緊張到死。不過食埋呢餐之後，都可以安安樂樂喇
因為我地擺酒的6樓西式廳唔開放做晚市，所以今餐又係4樓中式廳食，發現換咗新地毯喎(不過仲係紅當當好暗咁.............主人話似地府.......大吉利是咩)
今餐叫咗個4人晚餐再加D小菜，仲加咗$20將個例湯改做冬瓜盅，唔知係唔係落單的係新人，打單無寫冬瓜盅，於是0黎咗個例湯，大家掛住傾計又無留意，到個waitress分好晒一碗碗之後，我先留意到，就問佢：「點解無冬瓜0既?(我個時以為佢無篳到jar)」，點知另轉頭就見到個冬瓜盅擺咗係我地後面張枱。0黎咗2個湯喎，問個waitress點算啦，佢無答我地，淨係度轉來轉去嘈個新人，鬧人點落單ga~~~又乜乜唔關我事。我地望住d湯又唔飲得，呆等咗5分鐘，經理終於理我地，我妹妹就問佢：「D湯都分好晒，不如送埋俾我地啦。」點知個經理即刻「黑面」，好惡咁in our face同個waitress講：「收走晒d湯！」就好瀟灑咁走咗去。嘩
，乜咁都得0既，係D客面前黑面喎，咩服務態度呀，sorry都無句呀~~~~之後都怕怕有咩都唔敢叫呢位「經理」。
唔知我地個晚會唔會有咁「精彩」的服務態度呢？我諗唔會卦，上次飲茶都好好ga，真係怕D家長有咩誤會唔滿意就閉
。
好彩係家長們都傾到計，係初初個時有些少尷尬啦(加埋我地兩個又唔知講咩好)，河蟹萬歲！
食飽飽之後上咗去6樓睇多次場，因為未來6299未睇過，而且上次睇場有人擺緊酒，無睇到新娘房。
無開燈，影起好暗tim。有冇留意換咗地毯?
換咗紫色地毯，個色係match D0既，不過我like玫瑰花紋喎，依家變咗彩帶紋
連台的地毯都換咗淨色的紫色，good!!!之前仲諗洗唔洗買毛毛布蓋住，依家可以慳番
。
新娘房已經擴大咗，但我仲嫌細，而且D裝飾好簡陋，好彩有獨立洗手間。但我唔記得問有冇夾萬。
妹妹試用完，機能正常!!!
牆上面有D勾掛衫，唔知到時夠唔夠擺呢??
出咗新娘房行落幾級有間房仔，可以做姊妹休息室，sales話到時會執走D雜物(希望佢會清潔吓啦)。間房仔出面就係後樓梯，保安方面要細心留意，俾二訂的時候要提一提酒樓個邊。
始創得彩福皇宴有專用電梯(成個始創有4間酒樓，擺酒個時一齊走都幾墟磡，個3間一定有排等"車立")，係彌敦道個入口一上就見到，但未來6299唔知，初時仲入錯"車立"，睇怕到時要係帖度提一提D賓客。
又攪掂一樣，YEAH!!!
BY 笨豬小慧
之前的場地相 - 按此
我係MAND呀 你真係好有心機寫BLOG, 加油呀,
回覆刪除得閒黎我BLOG睇下~~~
[版主回覆10/02/2013 02:03:03]我終於搬咗喇~~最後決定雙blog並行
http://simpsonsimple.blogspot.hk/
http://simplekan.pixnet.net
add番我啦~~~thx=)
BY笨豬小慧SIMPLE
[版主回覆05/06/2010 19:00:00]我剛上你果面呀，要寫多dee呀，因為都係日後回味o既一點一滴。但係因為係笨小慧寫開，我唔好意思開文章，怕突然方向同風格有唔同，所以我會做積極回應果個。
你地快過我地成年呀，要加油呀，儲蓄正能量，好好細味當中的過程呀~~~~~
by 醒目主人(simpson是也)
hehe!!我都上過去睇過,雖然地毯唔係玫瑰,但都OK既,如果係紫色玫瑰花就仲正呀!!!
回覆刪除[版主回覆05/06/2010 18:57:00]hehe ，本人就冇咩特別所謂，可能男仔多數都唔拘泥lee dee野，最緊要都係笨小慧喜歡姐^^
by 醒目主人
同意Simpson所講呀, 寫個blog可以同大家交流一下, 又可以留返個美好回憶, 所以我都開o左個呀 (大家得閒黎瀏覽下啦~ ^^) ~~~ 不過你地真犀利, 光顧完間酒樓仲寫返o的comment同大家share~~~ 哎呀, 我擺酒o個間其實自己未食過哩, 搵日要去試下先~ :p
回覆刪除[版主回覆05/14/2010 12:57:00]係呀，攪結好多野要做又好繁瑣，所以唔得閒就留低幾隻字的話第日一定會miss左一dee好值得留念的東西。我都會得閒去你度睇下o家啦 ^^。
by 醒目主人(simpson)